مه‌ودا میدیا-

ئه‌مڕۆ 3ى ئاب، 10 ساڵ تێده‌په‌ڕێت بە سەر کۆمەڵکوژیی شنگال و جینۆسایدكردنى ئێزدییەکان له‌ لایه‌ن رێکخراوی تیرۆرستی داعشه‌وه‌، كه‌ به‌هۆیه‌وه‌ هەزاران ژن و پیاو کوژران و هەزاران ژن و کچ و منداڵیش رفێندران.

له‌و هێرشه‌ى داعشدا كه‌ 10 ساڵ له‌مه‌وبه‌ر و له‌ كاتژمێر 10ى به‌یانى كرایه‌ سه‌ر شنگال، دوو هەزار و 855 کەس کوژران کە هەزار و 262 کەسیان ژن بوون، شەش هەزار و 417 کەسیش رفێندران کە سێ هەزار و 548 کەسیان ژن بوون، سه‌ره‌ڕاى ئه‌وانه‌ش دەستدرێژییان کرایە سەر و وەک کۆیلە لە بازاڕەکاندا فرۆشران.

هاوكات، به‌ بۆنه‌ى ساڵیادى شنگاله‌وه‌ بڕیارە ئەمڕۆ لە پارێزگای سلێمانی له‌ کاتژمێر 10، بۆ ماوە خولەکێک تەواوی جووڵه‌ و هاتوچۆ رابگیرێت.

دواى تێپه‌ڕبوونى 10 ساڵ به‌سه‌ر ئه‌و تاوانه‌دا هێشتا گەڕانەوەی ئاوارەکان و  چارەنووسی بێسه‌روشوێنبووان و رفێندراوان نادیاره‌.

پ ح ع