مه‌ودا میدیا-

وەزارەتی بازرگانی عیراق، رایده‌گه‌یه‌نێت "سه‌باره‌ت به‌ بواری ئاسایشی خۆراك، پلانێكی تایبەت بە هاریكاری لە نێوان حكومەتی عیراق و هەرێمی كوردستان دادەنرێت". 

لە راگەیەندراوێكدا وەزارەتی بازرگانی عیراق بڵاویكرده‌وه‌ "فەرمانگەی پەیوەندییە ئابوورییەكانی وەزارەت لەگەڵ وەزارەتی كشتوكاڵ كۆبوونەوەیەكیان لەبارەی ئاسایشی خۆراكەوە ئەنجامدا". 

ئاماژه‌ به‌وه‌شده‌كات "لە كۆبوونەوەكەدا باس لە پێداویستی خۆراكی پارێزگاكان و تێچووی گواستنەوەی خۆراك و میكانیزمی گواستنەوە كرا و پلانێكی هاریكاری لە نێوان هەرێمی كوردستان و عیراق دادەنرێت لە بواری ئاسایشی خۆراكدا". 

له‌ راگه‌یه‌ندراوه‌كه‌دا، ئه‌وه‌ش هاتووه‌ "لیژنەكە كار لەسەر تێبینییەكانی رێكخراوی خۆراك و كشتوكاڵی سەر بە نەتەوەیەكگرتووەكان دەكات و چەند كۆبوونەوەیەك ئەنجام دەدرێن بۆ دانانی ستراتیژێك بۆ بەرەوپێشبردنی ئاسایشی خۆراك و پاڵپشتی حكومەت لە بواری ئابووری و بازرگانیدا".

پ ح ع