مەودا میدیا-

ژووری ئۆپەراسیۆنەكانی گەرمیان كۆبووەوە و لە كۆبوونەوەكەدا چەندین بڕیاردراون و داواش لە هاوڵاتیان دەكات پابەندی رێنماییەكان بن.

لە راگەیەندراوێكی ژوری ئۆپه‌راسیۆنی ئیداره‌ی گه‌رمیان هاتووە " قه‌ده‌غه‌كردنی هاتووچۆی به‌پێویستی قۆناغه‌كه‌ ده‌زانین و جەختدەكەینەوە له‌ جێبه‌جێكردنی ناوه‌ڕۆكی به‌یانی ژماره‌ 24 ی وه‌زراتی ناوخۆ له‌48 كاتژمێری داهاتوودا".

هەروەها "پاڵپشت به‌ بڕگه‌ی پێنجه‌می به‌یانی ژماره‌ 24ی وه‌زاره‌تی ناوخۆ ته‌واوی ئه‌و ڕیگاپێدانانه‌ی له‌لایه‌ن پارێزگاكان و ئیداره‌ی سه‌ربه‌خۆكان و یه‌كه‌كارگێڕییه‌كان و دامه‌زراوه‌كانی دیكه‌ی حكومه‌ته‌وه‌ كراون بۆ هاووڵاتیان هه‌ڵده‌وه‌شیته‌وه‌و كاریان پێناكریت به‌و ڕیگاپێدانانه‌شه‌وه‌ كه‌ده‌دران به‌ جوتیاران یان ئه‌وانه‌ی له‌ كاتژمێر 1ی شه‌و تا 6 به‌یانی ده‌دران به‌هاووڵاتیان".

ئەوەش خراوەتەڕوو "ژوری ئۆپه‌راسیۆنی ئیداره‌ی گه‌رمیان داواده‌كات هاووڵاتیانی خۆشه‌ویستی سنووری گه‌رمیان پابه‌ندبن به‌ جێبه‌جێكردنی بڕیاره‌كانه‌وه‌و له‌ماڵه‌كانیان بمێننه‌وه‌ پشت به‌خوا و به‌ هه‌وڵی دڵسۆنه‌ی هه‌مولایه‌ك ئه‌م دۆخه‌ تێده‌په‌ریت".