مه‌ودا میدیا-

كارگه‌یه‌كى چیمه‌نتۆ له‌ سنورى كه‌ركوك به‌هۆى پیسكردنى ژینگه‌ و هه‌وا به‌ سه‌دان ملیۆن دینار غه‌رامه‌كرا.

سۆران عومه‌ر، ئه‌ندامى په‌رله‌مانى عیراق بڵاویكرده‌وه‌ "کارگەی چیمەنتۆی لەیلان لەسەر دوکەڵەکەی کەبڵاوی دەکاتەوه‌ به‌ هه‌وادا، پاش ئاگادارکردنەوە پابەند نەبووە و سزادراوه‌".

باسى له‌وه‌شكردووه‌ "ئه‌و كارگه‌یه‌ غەرامەکرا بە 241 ملیۆن دینار هەر پابەند نەبووە، دواجار دراوه‌ به‌دادگا".

له‌ سنورى پاریزگارى هه‌ولێر و سلێمانیش ده‌یان كارگه‌ و پاڵاوگه‌ى نایاسایی هه‌یه‌ كه‌ هه‌وای پیس ده‌كه‌نه‌ ژینگه‌ و تا ئێستا سزانه‌دراون.