مه‌ودا میدیا-

بافڵ جەلال تاڵەبانی، سەرۆکی یەکێتیی نیشتمانی کوردستان به‌ بۆنه‌ى کۆچی دوایی ھاوسەره‌كه‌یه‌وه‌ پرسەنامەیەک ئاڕاستەى عومەر سەید عەلی ده‌كات و ده‌ڵێت "خاتوو نازەنین، نموونەی ژنی ئازا و خۆڕاگر بوو، لە قۆناغە سەختەکانی خەباتدا بەشداریی چالاکانەی لە شۆڕش و بەرگریکردن لەمافەکانی کورددا کردووە".

دەقی پرسەنامەکە:

برای بەڕێزم کاک عومەر سەید عەلی 
‎بەڕێزان لە بنەماڵەی سەربەرز و تێکۆشەر عەبابەکر کەریم 

‎بەداخێکی زۆرەوە ھەواڵی کۆچی دوایی خاتوو (نازەنین عەبابەکر) ھاوسەری بەڕێزتانم پێگەیشت.
‎بۆ ئەم خەمە گەورەیە پرسە و ھاوخەمیی قووڵی خۆمان ئاڕاستەی ئێوە و بنەماڵەی سەربەرزی کۆچکردوو دەکەین و ھاوبەشی ماتەمتانین.

‎خاتوو نازەنین، جگە لەوەی لە بنەماڵەیەکی دیاری باڵەکایەتی و چۆمان بوو، نموونەی ژنی ئازا و خۆڕاگر بوو، لە قۆناغە سەختەکانی خەباتدا ھاوشانی بەڕێزتان مایەوە و بەشداریی چالاکانەی لە شۆڕش و بەرگریکردن لەمافەکانی کورددا کرد.

‎لەخوای گەورە داواکارین کۆچکردوو بە بەھەشتی بەرین شادبکات و سەبووری بە ھەموولایەک ببەخشێت.

‎دڵسۆزتان 
‎بافڵ جەلال تاڵەبانی 
‎سەرۆکی یەکێتیی نیشتمانیی کوردستان

پ ح ع