مه‌ودا میدیا-

نوێنەرى کۆمەڵەى پەنابەرە گەڕاوەکان لە ئەوروپا سه‌باره‌ت به‌و کۆچبەرە کوردانه‌ى مه‌ترسى له‌ سه‌ر ژیانیان هه‌بوو به‌ هۆى كونبوونى یه‌خته‌كه‌یانه‌وه‌، رایگه‌یاند "لەلایەن هێزى دەریاوانى یۆنانەوە رزگارکران".

پێشڕەو عەبدوڵا، نوێنەرى کۆمەڵەى پەنابەرە گەڕاوەکان لە ئەوروپا ئاماژه‌ى به‌وه‌كرد "ئەو کۆچبەرە کوردانە کە لە کەناراوه‌کانی یۆنان بەلەمەکەیان کون ببوو، ئەمشەو  لەلایەن هێزى دەریاوانى یۆنانەوە رزگارکران". 

روونیشیى كرده‌وه‌ "ئه‌و كه‌سانه‌ى له‌ ناو یەختەکە بوون زۆربه‌یان کورد بوون و خەڵکی رانیە، قەڵادزێ و رۆژهەڵاتی کوردستان بوون".

ئه‌مه‌ له‌ كاتێكدایه‌، ئەمڕۆ یەختێک كه‌ نزیکەی 70 کۆچبەری کوردى تێدابوو لە کەناراوەکانی یۆنان کون بوو، و به‌هۆى ئه‌گه‌رى ژێر ئاو کەوتنیان هه‌ترسى له‌ سه‌ر ژیانیان دروستبوو.

پ ح ع