مه‌ودا میدیا-

كۆمیسیۆنی باڵای سەربەخۆی هەڵبژاردنەكانی عیراق، دوو پرۆسەی هەڵبژاردنی ئەزمونیی پەرلەمانی كوردستان لە 181 وێستگەی پارێزگاكانی هەرێم ئەنجامدەدات.

وەلید خالید، بەڕێوەبەری فەرمانگەی پرۆسەكان و تەكنەلۆجیای زانیاری لە كۆمسیۆنى عیراق رایگەیاند "كۆمسیۆن رۆژی 12و25ى ئەم مانگە دوو پرۆسەی ئەزموونیی هەڵبژاردن بۆ تاقیكردنەوە لە 181 وێستگەی دەنگدان ئەنجامدەدات".

وتیشى "پرۆسەكە لە 53 وێستگەی دەنگدانی گشتی و سێ وێستگەی دەنگدانی تایبەت لە هەولێرو، دوو وێستگەی تایبەت لە دهۆك و 74 وێستگەی گشتی و دوو وێستگەی تایبەت و پێنج وێستگەی گشتی لە سلێمانی و یەك وێستگەی تایبەتیش لە هەڵەبجە".

ئه‌وه‌شى خسته‌ڕوو "ئامانجمان تاقیكردنەوەی ئاستی چالاكی ئامێرەكانی خێراكردنی ئەنجامەمان و دڵنیابوونە وەك ئامادەكاریەك بۆ هەڵبژاردنی پەرلەمانی كوردستان، كە بڕیارە لە 20ى تشرینی یەكەمی داهاتوو بەڕێوەبچێت".   

ع