مه‌ودا میدیا-

وەزارەتی کۆچ و کۆچبەرانی عیراق رایگەیاند، 300 خێزانی شنگال کە بەم دواییە گەڕاونەتەوە بۆ زێدی خۆیان هەریەکەیان چوار ملیۆن دیناریان پێ دراوە.

لە راگەیەندراوێکدا وەزارەتی کۆچ و کۆچبەرانی عیراق هاتووه‌ "ئەو هاوکارییە داراییەی لەلایەن وەزارەتەوە بۆ گەڕانەوەی ئاوارەکان تەرخانکرابوو، بڕه‌كه‌ى یه‌ك ملیار و 200 ملیۆن دینار بووه‌".

باس له‌وه‌شكراوه‌ "ئه‌و پاره‌یه‌ بەسەر 300 خێزانی شنگالدا دابەشکرا کە بەم دواییە لە کەمپەکانەوە گەڕاونەتەوە بۆ زێدی خۆیان، هەر خێزانێک بڕی چوار ملیۆن دیناری پێ دراوە".

ئه‌وه‌ش خراوه‌ته‌ڕوو "لەسەر راسپاردەکانی ئەنجومەنی وەزیران بەردەوام دەبین لە دابەشکردنی ئەو هاوکارییە داراییەی بۆ ئاوارەکان تەرخانکراوە بەسەر سەرجەم ئەو خێزانانەی کە بەم دواییە گەڕاونەتەوە شنگال".

ع