مه‌ودا میدیا-

وەزارەتی کارەبای حکومەتی هەرێمی کوردستان، رەشنووسى ماستەر پلان بۆ 10 ساڵی داهاتوو ئامادە دەکات.

وەزارەته‌كه‌ بڵاویکردەووه‌ته‌وه‌ "بە ئامادەبوونی کەمال محەمەد ساڵح، وەزیری کارەبا و بریکاری وەزارەت و راوێژکاران و بەڕێوەبەرانی گشتیی وەزارەتی کارەبا، رەشنووسی ماستەر پلانی وەزارەتی کارەبا بۆ ماوەی 10ساڵی داهاتوو 2023-2032،  لەلایەن یاسین حەسەن، بەڕێوەبەری پلان و لێکۆڵینەوە و تیمێکی  بەڕێوەبەرایەتیی گشتیی پلاندانان خرایەڕوو، دوای خستنەڕووی رەشنووسی ماستەر پلانەکەش، شارەزایانی وەزارەتەکە گفتوگۆیان لەبارەوە کرد".

ئه‌وه‌ش هاتووه‌ "بۆ یەکەمجارە رەشنووسی ماستەر پلانی وەزارەتی کارەبا لە لایەن ستافێکی ئەندازیاری ناوخۆیی لە بەڕێوەبەرایەتیی گشتیی پلاندانان بۆ ماوەی 10 ساڵی داهاتوو نوێ کراوەتەوە، تێیدا شێوازی باشترکردنی سێکتەری کارەبا بۆ گەیاندنی خزمەتگوزارییەکانی کارەبا بە هاوبەشانی خراوەتەڕوو".

روونیشكراوه‌ته‌وه‌ "لە ره‌شنووسی ماستەر پلانەکەدا، لیستێک لەو پرۆژانەی پێویستە لە کەرتی کارەبا لە ماوەی 10 ساڵی داهاتوو جێبەجێ بکرێن، ریزبەند کراون، وەک وێستگە و راکێشانی هێڵەکانی گواستنەوەی کارەبا و چەندین پرۆژەی دیکەی کارەبا، هەروەها گرفت و ئاستەنگ و پلان و رێگا چارەسەرەکانیشی خرایەڕوو".

پ ح ع