مه‌ودا میدیا-

وەزیری دەرەوەی ئەمه‌ریکا داواى لە سەرۆک وەزیرانی عیراق كردووه‌، راوێژکارە سەربازییەکانی هاوپەیمانان لە هێرشی میلیشیاکانی سەر بە ئێران بپارێزێت و به‌ ئه‌ركى عیراقیشی ده‌زانێت.

له‌ راگەیەندراوێکدا وەزارەتی دەرەوەی ئەمه‌ریکا رایگىیاندووه‌ "ئەنتۆنی بلینکن، وەزیری دەرەوەی ئەمه‌ریکا پەیوەندییەکی تەلەفۆنی لەگەڵ محەمەد شیاع سودانی، سەرۆک وەزیرانی عیراق ئەنجامداوە و ھەردوولا باسیان لە ھەوڵە دیپلۆماسییەکان بۆ سەقامگیری ناوچەکە و وەلانانی ئاڵۆزییەکان کردووە".

ئه‌وه‌ش هاتووه‌ "بلینکن جەختیکردووەتەوە لەسەر ئەوەی بەرپرسیارێتی پاراستنی راوێژکارە سەربازییەکانی سەر بە ھاوپەیمانی نێودەوڵەتی لە ھێرشی گرووپەکانی سەر بە ئێران خستە سەر عیراق، ھەردوولاش جەختیان کردەوە لەسەر بەردەوامیدان بە گفتوگۆکانیان سەبارەت بە رەوشی ناوچەکە و پتەوکردنی پەیوەندییەکانی ئەمه‌ریکا و عیراق".

پ ح ع