مەودا میدیا-

به‌ڕێوه‌به‌رایه‌تی به‌رگری شارستانی هه‌ولێر ده‌نگۆی بڵاوبوونه‌وه‌ی هه‌واڵێك ره‌ت ده‌كاته‌وه‌ كه‌ باس له‌وه‌ ده‌كات گوایه‌ لە ماوەی 48 کاتژمێری داھاتوودا گازێك بلاودەبێتەوە.

له‌ راگه‌یه‌ندراوه‌كه‌دا به‌ڕێوه‌به‌رایه‌تی به‌رگری شارستانی هه‌ولێر  هاتووه‌ " ھاونیشتیمانیانی ئازیز، ھەوالێك بلاوبووه‌تەوە کە گوایە لە ماوەی 48 کاتژمێری داھاتوودا گازێك بلاودەبێتەوە، سەر لەبەری ئەم ھەواڵە دورە لە راستییەوە، تەنھا پروپاگەندەیە لە سۆشیال میدیا".

ئاماژە بەوەکراوە "بە پێچەوانەوە ئەم 48 کاتژمێرە کە لەلایەن وەزارەتی ناوخۆ و وەزارەتی تەندروستییه‌وه‌ دیاریكراوه‌، تەنھا بۆ خۆپاراستن و دانانی میکانیزمی نوێیه‌ بۆ قەدەغەی ھاتوچۆ. بۆیە دڵنیاتان دەکەینەوە پێویست بە شڵەژان ناکات ھەواڵەکە هیچ بنه‌مایه‌كی راستی نییه"‌.