مه‌ودا میدیا-

به‌هۆى ئه‌نجامدانى رێژه‌یه‌كى زۆر له‌ گه‌نده‌ڵى، ده‌سته‌ى نه‌زاهه‌ى عیراق و پۆلیسى نێوده‌وڵه‌تى عیراق به‌دواى وه‌زیرى پێشووى نه‌وتى عیراقن.

میدیا عیراقییه‌كان ئه‌وه‌یان بڵاوكردووه‌ته‌وه‌ "ئیحسان عه‌بدولجه‌بار، وه‌زیرى پێشووى نه‌وتى عیراق یه‌كێكه‌ له‌ تاوانبارانى دزى سه‌ده‌، كه‌ به‌ گه‌وره‌ترین دزى داده‌نرێت له‌ عیراق".

باسیان له‌وه‌شكردووه‌ "ده‌سته‌ى نه‌زاهه‌ى عیراق داواى له‌ پۆلیسى نێوده‌وڵه‌تى ئینته‌رپۆلي نێوده‌وڵه‌تى  كردووه‌ بۆ ده‌ستگیركردنى ناوبراو".

پێشتر ده‌سته‌ى نه‌زاهه‌ى عیراق ئه‌وه‌ى بڵاوكرده‌وه‌، تاوانبارانى دزى سه‌ده‌ پاره‌ی كاشیان له‌ ده‌سته‌ى گشتى باج راكێشاوه‌ كه‌ بڕه‌كه‌ى ده‌گاته‌ سه‌رو دوو تریلیۆن دینار.

ع