مەودا میدیا-
پەرلەمانتارێكی عیراق ئاشكرایكرد كە بەغدا داوای بڕی 600 ملیار دینار لە هەرێم دەكات و ئەوەش گرفتێكی تر بۆ مووچەی فەرمانبەران درووست دەكات.

سۆران عومەر، ئەندامی پەرلەمانی عیراق لە پەڕەی تایبەتی خۆی لە تۆڕی كۆمەڵایەتی فەیسبووك رایگەیاند "بەغدا لە مووچەی مانگەكانی(2، 3، 4، 5 و 6) داوای نزیكەی 600 ملیار دینار لە هەرێم دەكاتەوە". 

ئاماژەی بۆ ئەوەشكردووە "هۆكاری داواكردنی ئەو بڕە پارەیە لەلایەن بەغداوە بەهۆی هەبوونی دوو مووچە و ناوی وەهمی و دامەزراندنی نوێیە لە لیستەكانی مووچەی فەرمانبەراندا".

ئەوەش لە كاتێكدا كە نزیكەی 50 رۆژ بەسەر دابەشكردنی مووچەی فەرمانبەرانی هەرێمدا تێپەڕیوەو تا ئێستاش هیچ وادەیەك بۆ ناردنی پارە لەلایەن بەغداوە دیاری نەكراوە. 
ئ پ