مەودا میدیا-

دوای ئەوەی لە ماوەی دوو هەفتەی رابردوو راوێژكاری ئەڵمانیا بەهۆی گومانی تووشبوون بە كۆرۆنا كەرەنتینەكرا، ماوەی كەرەنتینەی تەواوكردوو دەگەڕێتەوە ناو كۆشكی تایبەتی خۆی.

ئەنجیلا مێركڵ، راوێژكاری ئەڵمانیا لە ماوەی دوو هەفتەی رابردوو بەهۆی ئەوەی پزیشكێكی تایبەتی تووشی كۆرۆنا بووبوو و هەروەها پشكنینی بۆ مێركڵ كردبوو، راوێژكاری سەرۆكی ئەڵمانیا كەرەنتینەكرا.

لە ماوەی ئەو چەند رۆژەدا كە مێركڵ كەرەنتینەكرابوو، تەواوی كارەكانی تایبەت بە ئەڵمانیای بەڕێوەبردووە و لەئێستاشدا ماوەكەی تەواو بووە.

لەو چەند رۆژەدا زیاتر لە دووجار پشكنینی بۆكراوە و دەركەوتووە كە پشكنینەكانی نێگەتیڤ بوون و دەگەڕێتەوە بۆ كۆشكی راوێژكاری.

بەهۆی ئەو خەمخۆرییەی لە ماوەی ساڵانی رابردوو كە بۆ پەنابەرانی وڵاتان هەیبووە و بڕیاری وەرگرتنی پەنابەرانی دابوو، مێركڵ نازناوی دایكی پەنابەرانی لێنراوە.