مەودا میدیا-

بەڕێوەبەری گشتی ئاسایشی پارێزگای سلێمانی رایدەگەیەنێت، ئەوانەی بێڕێزیانكردبوو بەرانبەر پزیشكەكەی سلێمانی گیراون و دەشڵێت، بەناوی هێزە ئەمنییەكانی سلێمانییەوە داوای لێبوردن دەكەم.

حەسەن نوری، بەڕێوەبەری ئاسایشی پارێزگای سلێمانی رایگەیاند "ئەوانەی ئەمڕۆ دووشەممە بێڕێزییان بەرانبەر بە پزیشكێكی شاری سلێمانی كردبوو دەستگیركراون و رووبەڕووی دادگا و یاسا دەكرێنەوە".

ئاماژەی بەوەشكرد "بە ناوی هەموو هێزە ئەمنییەكانی سلێمانی داوای لێبوردن لە پزیشك و كارمەندانی تەندروستی سلێمانی دەكەین و هەموویان شایەنی رێزن".

ئەمڕۆ دووشەممە لە شاری سلێمانی پزیشكێكی بێهۆشكار لە لایەن هێزە ئەمنییەكانەوە بێڕێزی پێكراو و لێی درابوو