مەودا میدیا-

ئەمڕۆ سێشەممە، بەشی زۆری دوكان و شوێنەكانی شاری سلێمانی بەپێی مەرج و رێنمایی نوێی كاركردن دەكرێنەوە و ئەوەش دوای ئەوەی لەماوەی رابردوو داخرابوون.

بەپێی رێنماییەكان لە لایەن پارێزگارو  قائیمقام و چاودێری بازرگانی  و لایەنە پەیوەندیدارەكان، ئەمڕۆ دووكانەكانی گۆشتفرۆشی و نانەواو سۆپەرماركێت و نۆرینگە و تەواوی ئەو شوێنانە بەپێی پلان و رێنمایی نوێ دەكرێنەوە كە پێویستی هاوڵاتیانن.

هەروەها دوكانەكانی مریشك فرۆشتن و عەلوە و ماركێتەكانیش كراوە دەبن و لە لایەن لیژنەكانەوە سەرپەرشتی و بەدواداچوونیان بۆ دەكرێت.