مەودا میدیا-

وەزارەتی تەندروستی حکومەتی هەرێمی کوردستان رایگەیاند، پێنج کەسی تر لە شاری هەولێر تووشی کۆرۆنا بوون.

بەیانی ئەمڕۆ سێشەممە، وەزارەتی تەندروستی حکومەتی هەرێمی کوردستان رایگەیاندووە "لە بەردەوامی پشکنینەکان و گەڕان بەدوای گومانلێکراوان، پێنج تووشبووی ڤایرۆسی کۆڕۆنای نوێ COVID-19 لە شاری ھەولێر دەستنیشانکران، کە ئافرەتێك لە گوندی کانی گەلی و دوو ئافرەت و پیاوێك و منالێك لە گەرەکی 94ی باداوە، ھەموویان بەرکەوتەی تووشبووەکانی ھەردوو  پرسەی ماتەمینی گەرەکی کارێزانی شاری ھەولێرن".

بەوەش ژمارەی تووشبووان لە هەرێمی کوردستان بۆ 285 کەس بەرزبووەتەوەو زیاتر کە 100 کەسیش چاکبوونەتەوە.