مه‌ودا میدیا-

وته‌بێژى وه‌زاره‌تى دارایی حكومه‌تى هه‌رێمى كوردستان پاره‌ى پێویست له‌به‌رده‌ست نییه‌ و هه‌ركات كورتهێنان پڕكرایه‌وه‌ خشته‌ى مووچه‌ بڵاوده‌كرێته‌وه‌.

هونەر جەمال، وتەبێژی وەزارەتی دارایی و ئابووری حکومەتی هەرێمی کوردستان رایگەیاند "لە ئێستادا 755 ملیار دینارمان لەبەردەستە بۆ دابەشکردنی مووچەی مانگی هه‌شتى فه‌رمانبه‌رانى هه‌رێم".

وتیشى "بۆ دابەشکردنی مووچەش پێویستمان بە 998 ملیار دینارە و بۆ ئەوەش لە تاوتوێکردنی پڕکردنەوەی ئەو کورتهێنانەین و هەرکات کورتهێنانەکەی چارەسەر کرا لیستی مووچە رادەگەیەنین".

ئه‌مڕۆ یه‌كشه‌ممه‌، وه‌زاره‌تى دارایی عیراق، بڕى 572 ملیار دینارى خسته‌ سه‌ر حسابى وه‌زاره‌تى دارایی هه‌رێم پاره‌ى ماوه‌ى مووچه‌ى مانگى حه‌وت و هه‌شتى فه‌رمانبه‌رانبوو.

ع