مەودا میدیا-

دوای ئەوەی دوێنێ 22ى ئەیلوول، وه‌زاره‌تى دارایی عیراق، بڕى 572 ملیار دینارى خسته‌ سه‌ر هەژماری وه‌زاره‌تى دارایی هه‌رێم کە پاره‌ى ماوه‌ى مووچه‌ى مانگى حه‌وت و هه‌شتى فه‌رمانبه‌ران بوو، ئەمڕۆ 23ی ئەیلوول وەزارەتەکە رایگەیاند "لیستی مووچەی مانگەکانی ئاب و ئەیلوول گەیشتووەتە بەغدا". 

بەمەش چاوەڕوان دەکرێت لە رۆژانی داهاتوودا فەرمابەران و مامۆستایانی هەرێمی کوردستان مووچە وەربگرن، بەڵام دیار نییە کە دوو مووچە بەیەکەوە دەدرێت یاخود تەنها مووچەی مانگێک دابەش دەکرێت. 

بەپێی رێککەوتنەکانی نێوان هەرێم و بەغدا، دەبێت مانگانە مووچە لەکاتی خۆیدا دابەشبکرێت، بەڵام هەموو مانگێک کێشەی دواکەوتنی مووچە دووبارە دەبێتەوە و هەردوو لایەن یەکتری تۆمەتبار دەکەن.