مه‌ودا میدیا-

نرخى گۆشتى ماسى هه‌رزانبووه‌ و ماسیفرۆشێكیش باس له‌وه‌ده‌كات، هۆكارى هه‌رزانبووه‌كه‌ى بۆ زۆرى به‌رهه‌مى ماسى ده‌گه‌ڕێته‌وه‌.

لوقمان عه‌لى، ماسیفرۆش له‌ سلێمانى به‌ مه‌ودا میدیاى راگه‌یاند "ماوه‌ى چه‌ند رۆژێكه‌ نرخى ماسى هه‌رزانبووه‌ و هۆكاره‌كه‌شى زۆربوونى به‌رهه‌مى ماسییه‌ له‌ بازاڕه‌كاندا".

وتیشى "یه‌ك كیلۆ ماسى زیندوو به‌ كێشتى تا دوو كیلۆ، كیلۆى به‌ چوار هه‌زار دیناره‌، له‌ خوار دوو كیلۆ، كیلۆ به‌ 3500 دیناره‌".

ئه‌وه‌ش له‌كاتێكدایه‌ له‌ ماوه‌ى دوو مانگى رابردوو نرخى یه‌ك كیلۆ ماسى له‌ بازاڕه‌كاندا بۆ 7 هه‌زار دینار به‌رزبووه‌وه‌.