مه‌ودا میدیا-

به‌ڕێوه‌به‌رى كارو كاروبارى كۆمه‌ڵایه‌تى سلێمانى رایده‌گه‌یه‌نێت "له‌ ئێستادا پرۆژه‌ى گه‌شانه‌وه‌یان ده‌ستپێكردووه‌ و بڕى ملیۆنێك بۆ 150 ملیۆن دینار ده‌ده‌نه‌ ئه‌و كه‌سانه‌ى خاوه‌ن پرۆژه‌ن و ئه‌وه‌ش به‌ مه‌به‌ستى ده‌ستگیرۆیی و فراوانكردنى پرۆژه‌كان و ره‌خساندنى زیاترى هه‌لى كار".

بێستون شه‌هید جه‌بار، به‌ڕێوه‌به‌رى كارو كاروبارى كۆمه‌ڵایه‌تى سلێمانى بۆ مه‌ودا میدیا رایگه‌یاند "له‌ ئێستادا پرۆژه‌ى گه‌شانه‌وه‌یان ده‌ستپێكردووه‌ و وه‌ك قۆناغى یه‌كه‌م، پێشینه‌ و قه‌رزیان داوه‌ به‌ 24 خاوه‌ن پرۆژه‌".

وتیشى "له‌به‌ر ئه‌وه‌ى پرۆژه‌كه‌ به‌ ناوى گه‌شانه‌وه‌یه‌، پێشینه‌كان ده‌درێت به‌وانه‌ى خاوه‌ن پرۆژه‌ن و زیاتر له‌ شه‌ش مانگ كاریان تێدا كردووه‌ و ئه‌وه‌ش به‌ مه‌به‌ستى ده‌ستگیرۆیی و فراوانكردنى پرۆژه‌كه‌یان، هه‌روه‌ها ره‌خساندنى زیاترى هه‌لى كار".

بێستون شه‌هید جه‌بار، ئاماژه‌ى به‌وه‌شكرد "بڕى پاره‌ی پێشینه‌كانیش له‌ ملیۆنێك بۆ 150 ملیۆن دینار دیاریكراوه‌".

روونیشیكرده‌وه‌ "له‌ داهاتوویشدا قۆناغى دووه‌م ده‌ستپێده‌كه‌ن و كۆمه‌ڵێك پرۆژه‌ى دیكه‌ ده‌چێته‌ بوارى جێبه‌جێكردنه‌وه‌".

پ ح ع