ئابووری
وه‌زاره‌تى دارایی هه‌رێم پاره‌ى مووچه‌ى له‌به‌رده‌سته
مەودا میدیا - سلێمانی |
مه‌ودا میدیا-
وه‌زاره‌تى دارایی هه‌رێمى كوردستان پاره‌ى مووچه‌ى له‌به‌رده‌سته، به‌ڵام تا ئێستا خشته‌ى مووچه‌ى مانگى هه‌شتى فه‌رمانبه‌رانى بڵاونه‌كردووه‌ته‌وه.
به‌پێى زانیارییه‌كانى مه‌ودا میدیا "وه‌زاره‌تى دارایی هه‌رێم زیاتر له تریلیۆنێك دینارى له‌به‌رده‌ستدایه و به‌غدا ته‌واوى مووچه‌ى مانگى هه‌شتى ناردووه، به‌ڵام تا ئێستا ئاماده نییه خشته‌ى مووچه بڵاوبكاته‌وه".
شه‌وى رابردووتر، پێشه‌وا هه‌ورامانى، وته‌بێژى حكومه‌تى هه‌رێمى كوردستان رایگه‌یاند "به‌غدا بڕى 573 ملیارى بۆ هه‌رێم ناردووه، به‌شێكى پاره‌ى مانگى رابردووش ماوه‌ته‌وه، تێكڕا ئه‌و پاره‌ى له‌به‌رده‌ستى وه‌زاره‌تى داراییه 755 ملیار دیناره، به‌ڵام به‌شى مووچه‌ى مانگێك ناكات".
ئه‌مڕۆ سێشه‌ممه، وه‌زاره‌تى دارایی عیراق زیاتر له 290 ملیار دینارى خستووه‌ته سه‌ر حسابى وه‌زاره‌تى دارایی هه‌رێم، به‌وه‌ش زیاتر له تریلیۆنێك دینار له‌به‌رده‌ستى وه‌زاره‌تى دارایی هه‌رێمه بۆ مووچه‌ى مانگى هه‌شت.
بیروڕا
