مه‌ودا میدیا-

ئه‌مڕۆ سێشه‌ممه‌، نرخى دۆلار به‌رانبه‌ر به‌ دینارى عیراقى به‌رزبوونه‌وه‌ى زیاترى تۆماركرد و نرخى تمه‌نیش زیاتر دابه‌زى.

ئیبراهیم غه‌فور، خاوه‌نى نوسینگه‌ى ئاڵوگۆڕى دراو له‌ سلێمانى به‌ مه‌ودا میدیاى راگه‌یاند "ئه‌مڕۆ نرخى دۆلار بۆ 150 هه‌زار و 550 دینار به‌رزبوونه‌وه‌ى تۆماركرد".

باسى له‌وه‌شكرد "نرخى تمه‌نیش به‌رانبه‌ر به‌ دۆلار زیاتر دابه‌زى و 100 دۆلار بۆ شه‌ش ملیۆن و ٣٠ هەزار تمه‌ن دابه‌زى به‌شێوه‌ى حه‌واڵه‌".

به‌رزبوونه‌وه‌ى نرخى دۆلار به‌رانبه‌ر به‌ دینار له‌كاتێكدا پێش چه‌ند هه‌فته‌یه‌ عه‌لى عه‌لاق، پارێزگارى بانكى ناوه‌ندیی عیراق سه‌ردانى ئه‌مه‌ریكاى كرد له‌گه‌ڵ وه‌زیرى خه‌زێنه‌ى ئه‌مه‌ریكا كۆبووه‌وه‌.

ع