مەودا میدیا-

بۆ کەمکردنەوەی نرخی بەروبوومە کشتوکاڵییەکان لە بازاڕدا، بەوتەی سەرۆکی لیژنەی سەندیکای کشتوکاڵی عەلوەی سلێمانی، دەبێت نرخی گومرک لە کاتی ھاوردەکردنی بەروبوومەکاندا کەمبکرێتەوە و ئەوەش باشترین رێگەچارەیە".

حاجی سەروەر عەلی، سەرۆکی لیژنەی سەندیکای کشتوکاڵی عەلوەی سلێمانی بۆ مەودا میدیا رایگەیاند "باشترین چارەسەر بۆ دابەزینی نرخی بەروبوومە کشتوکاڵییەکان، کەمکردنەوەی نرخی گومرکە و ھەندێ بەروبووم ھەیە ئەوەندە گومرکەکەی گرانە وای کردووە ھەر ھاوردە نەکرێت"

وتیشی "ئەگەر نرخی گومرک کەمبکرێتەوە بێگومان کاریگەری لە سەر بازاڕیش دروستدەکات، بۆ نموونە کاتێک تەماتە ھەر کیلۆیەکی 750 دینار بکەوێت لە بازاڕدا دەبێت بە ھەزار دینار، بەڵام ئەگەر بکرێتە 300 دینار ئەوکاتە رەنگە لە بازاڕدا ببێتە 500 دینار، یان کەمێک سەروو تر".

ئاماژەی بەوەشکرد "لە ھەموو کۆبوونەوەکانی ساڵانەدا قسەیان دەبێت و بۆ ئەم بابەتەش پێشنیاریان بۆ کردوون کە نرخی گومرک کەمبکرێتەوە".

پ ح ع