مەودا میدیا- 

دەستەی کەشناسی و بوومەلەرزەزانی عیراق لەبارەی دەنگۆی هاتنی شەپۆلێکی گازی ژەهراوی بۆ عیراق روونکردنەوە دەدات و دەڵێت "ئەو دەنگۆیانە دوورە لە راستییەوە".

عامر جەبار، بەڕێوبەری دەستەی کەشناسی و بوومەلەرزەزانی عیراق بە رۆژنامەنوسانی رایگەیاند "دەنگۆی هاتنی شەپۆلێکی گازی ژەهراوی بۆ عیراق لە تۆڕە کۆمەڵاتییەکان بڵاوبووەتەوە کە سەرجەم ئەو دەنگۆیانە دوورە لە راستییەوە ئەو کەسانەی ئەم کارە دەکەن تەنها ئامانجیان ترساندنی هاوڵاتییانە".

ئاماژەی بەوەشکرد "دەستەی کەشناسی لەرێگەی بەشی پێشبینییەکانەوە بەدواداچوونی کردووە بۆ ئەو بابەتە دەرکەوتووە هیچ گازێکی ژەهراوی لە هەودا بوونی نییە".