مەودا میدیا-

نیوەڕۆی ئەمڕۆ سێشەممە، بۆمبێك بە كاروانی ئۆتۆمبێلەكانی بەرپرسی مەڵبەندی یەكێتیی نیشتمانیی كوردستان لە گەرمیان تەقیيەوە و هیچ زیانێكی گیانی بە داوەوە نەبوو.

بەپێی ئەو زانیارییانەی بە مەودا میدیا دراون "نیوەڕۆی ئەمڕۆ سێشەممە 8ی نیسان بۆمبێك بە كاروانی ئۆتۆمبێلەكانی پۆڵا سیروان تاڵەبانی، بەرپرسی مەڵبەندی گەرمیانی یەكێتیی نیشتمانیی كوردستان لە ناحییەی كوڵەجۆ تەقیوەتەوە".

هەر بەپێی زانیارییەكان "ئەو بۆمبە هیچ زیانێكی گیانی بە داوەوە نەبووە و زیانی ماددی بەر ئۆتۆمبێلەكان كەوتووە".