مه‌ودا میدیا-

بۆ مانگى تشرینى دووه‌م، نرخى كاره‌باى موه‌لیده‌ى سیتییه‌كان دیاریكرا كه‌ بۆ هه‌ر كیلۆواتێك 260 دیناره‌.

کارەبای سلێمانی بڵاویكرده‌وه‌ "لیژنەی باڵای دیاریکردنی نرخی کارەباى کۆمەڵگاکانى نیشتەجێبوون نرخی کیلۆواتی کارەبای موەلیدەی بۆ مانگی تشرینی دووەم دیاریکرد، کە بریتییە لە (260) دینار بۆ هەر کیلۆواتێک".

باس له‌وه‌شكراوه‌ "بەگوێرەی نرخی گازوایل لەبازاڕ و ئەو توێژینەوەیەی بۆ خەرجی موەلیدەی ستییەکان ئامادەکراوە، نرخی کیلۆوات ئاوەڕێک کارەباى موەلیدەى ستییەکان دیاریكراوه‌".

ئه‌وه‌ش خراوه‌ته‌ڕوو "پێویستە سەرجەم ستییەکانی سنووری پارێزگای سلێمانی پابەندبن بەنرخەکەوە، بەپێچەوانەوە ئەگەر زیاتر لەو نرخە وەربگرن رووبەڕووی رێکاری یاسایی دەکرێنەوە".

ع