مەودا میدیا-

سەرچاوەیەک لە وەزارەتی دارایی و ئابووریی هەرێمی کوردستان رایگەیاند "ئەو پارەیەی بەغدا ناردوویەتی بەشی مووچە ناکات".

ئاماژەی بۆ ئەوەشکردووە "حکومەتی هەرێمی کوردستان بۆ دابەشکردنی مووچە مانگانە پێویستی بە 996 ملیار دینار هەیە، بەڵام بەغدا بڕی 761 ملیار و 146 ملیۆن دیناری بۆ مووچەی مانگی 10 خەرجکردووە".

ئەوەشی خستەڕوو "حکومەتی هەرێم بۆ دابەشکردنی مووجەی مانگی 10ی فەرمانبەران بڕی 233 ملیار دینار کورتهێنانی بۆ دروست دەبێت، لە بەرانبەردا بەغدا داوای کردووە هەرێمی کوردستان  خۆی بە داهاتی ناوخۆ کورتهێنانەکە پڕبکاتەوە".

ب ح