مه‌ودا میدیا-

له‌كاتێكدا مه‌سرور بارزانى، سه‌رۆكى حكومه‌تى هه‌رێمى كوردستان هۆكارى دواكه‌وتنى مووچه‌یه‌، به‌ڵام هه‌ولێرییه‌كان دژى ته‌یف سامى، وه‌زیرى دارایی عیراق خۆپیشاندان ده‌كه‌ن.

مه‌سرور بارزانى، سه‌رۆكى حكومه‌ت هۆكارى دواكه‌وتنى مووچه‌یه‌، هه‌ولێرییه‌كان به‌هۆى خراپى مامه‌ڵه‌ى پارتى و هێزه‌ ئه‌منییه‌كان ناوێرن خۆپیشاندان و ناڕه‌زایه‌تى بكه‌ن، له‌كاتێكدا ته‌یف سامى مووچه‌ى ناردووه‌ و سه‌رۆكى حكومه‌ت تاكڕه‌وانه‌ ده‌ستى به‌سه‌ردا گرتووه‌ و بۆ مووچه‌ خه‌رجى ناكات.

هێمن رێبوار، هاوڵاتیی هه‌ولێر به‌ مه‌ودا میدیاى راگه‌یاند "هه‌ولێرییه‌كان بۆیان نییه‌ دژى مه‌سرور بارزانى و حكومه‌ته‌كه‌ى خۆپیشاندان بكه‌ن، ئه‌گه‌ر هه‌ر كه‌سێك دژى مه‌سرور خۆپیشاندان بكات له‌ پشتى سه‌یاره‌ى جام ره‌ش خۆى ده‌بینێته‌وه‌".

وتیشى "ئه‌و خۆپیشاندانه‌ى ئه‌مرۆِى هه‌ولێر دژى ته‌یف سامى به‌زۆر به‌و كه‌سانه‌ كراوه‌ و خه‌ڵك براوه‌، به‌ فه‌رمانبه‌رانیش وتراوه‌ كێ ده‌ڕوات مۆڵه‌تى پێ ده‌درێت له‌ ده‌وامه‌وه‌".