مه‌ودا میدیا-

وه‌زیرى ناوخۆى حكومه‌تى هه‌رێمى كوردستان له‌باره‌ى ئۆتۆمبێلى بێ سه‌ره‌تا هه‌واڵى خۆشى دایه‌ شۆفێرانى ئه‌و جۆره‌ ئۆتۆمبێلانه‌.

رێبه‌ر ئه‌حمه‌د، وەزیری ناوخۆی حكومه‌تى هەرێم رایگه‌یاند "ئۆتۆمبێلە بێ سەرەتاكان مەرجی سەلامەتییان تیادا نییە و نایاسایین، بەڵام چارەسەركردنیان دەبێت بەجۆرێك بێت كە هاوڵاتییان زەرەرمەند نەبن".

ماوه‌ى سێ رۆژه‌ له‌ سنورى پارێزگاى سلێمانى و به‌تایبه‌ت له‌ناو شارى سلێمانى هه‌ڵمه‌تى گرتنى ئۆتۆمبێلى بێ سه‌ره‌تا ده‌ستیپێكردووه‌ و به‌هۆیه‌وه‌ به‌ ده‌یان هه‌زار خه‌ڵك رووبه‌ڕووى دۆخێكى خراپبوونه‌ته‌وه‌.

هاوڵاتییان ده‌ڵێن ئه‌و ئۆتۆمبێلانه‌مان كڕیووه‌ و پاره‌مان پێداوه‌، نایاسایی له‌وه‌دابووه‌ كه‌ پێشتر رێگه‌دراوه‌ له‌ ده‌روازه‌كانه‌وه‌ هاورده‌بكرێن.

ع