مه‌ودا میدیا-

به‌پێى داتاكانى سایتى شه‌فافیه‌ت بۆ ئاشكراكردنى داهاتى نانه‌وتى پارێزگاى سلێمانى، ساڵى 2024 داهاتى سنوره‌كه‌ نزیكه‌ى 900 ملیار دینار بووه‌.

له‌ سایته‌كه‌دا باس له‌وه‌ كراوه‌ "ساڵى 2024 داهاتى نانه‌وتى پارێزگاى سلێمانى و هه‌ردوو ئیداره‌ى راپه‌ڕین و گه‌رمیان و هه‌ڵه‌بجه‌ 897 ملیار و 403 ملیۆن و 982 هه‌زار دینار بووه‌".

به‌پێى ئاماره‌كه‌ داهاتى پارێزگاى سلێمانى به‌راورد به‌ ساڵى 2023 كه‌مى كردووه‌ كه‌ ئه‌وكات سه‌رو یه‌ك تریلیۆن دینار بووه‌.

ئه‌وه‌ش له‌كاتێكدایه‌ هیچ كه‌س و لایه‌نێك نازانێت داهاتى نانه‌وتى پارێزگاى هه‌ولێر چه‌نده‌ و ئاشكرا ناكرێت.

ع