مه‌ودا میدیا-

له‌ قەزای سۆران بڕیاردرا به‌ دابه‌زاندنى نرخى گۆشتى سوور و به‌پێى بڕیاره‌كه‌ش كه‌مترین نرخ ده‌بێته‌ 12 هه‌زار دینار و به‌رزترین نرخیش ده‌بێته‌ 16 هه‌زار دینار.

لە راگەیەندراوێکدا قایمقامیەتی قەزای ناوه‌ندى سۆران رایگه‌یاندووه‌ "ئەمڕۆ بە هەماهه‌نگى قایمەقامیەتى قەزاى ناوەندى سۆران و بەرێوەبەرى چاودێریى بازرگانى سۆران لەگەڵ نوێنەرى گۆشت فرۆشەکان کۆبوونەوە سەبارەت بە نرخى گۆشتى سوور".

راشیگه‌یاندووه‌ "بڕیاردرا بە دابەزاندنى نرخى گۆشت بەم شێوەى خوارەوە".

1-گۆشتى گێسک و بەرخ کراوە بە 16 هەزار دینار.

2- گۆشتى نەرمکى گۆلک 14 هەزار دینار.

3- گۆشتى گۆلک بە ئێسکەوە 12 هەزار دینار.

4 -هیچ گۆشت فرۆشێک (قەسابخانەیەک) نابێت گۆشت لەناو قاپ دابندرێت.

5- داشکاندن بە هەموو شێوەیەک قەدەغەیە بەبێ رەزامەندى بەڕێوەبەرایەتیی چاودێریی بازرگانی.

6-بە هیچ شێوەیەک قیمەى ئامادەکراو رێگا پێدراو نییە بەرێوەبەرایەتیى چاودێریى بازرگانى بە پێچەوانەوە رێکارى یاسایى بەرانبەر دەگرێتەبەر.

پ ح ع