مه‌ودا میدیا-

به‌ڕێوه‌به‌رایه‌تیى پاسپۆرتى پارێزگاى سلێمانى له‌باره‌ى ده‌رهێنانى پاسپۆرت هاوڵاتییان ئاگادارده‌كاته‌وه‌ و ده‌ڵێت كارتى نیشتمانیی گرنگه‌ و پێویسته‌ پێیانبێت.

له‌ راگه‌یه‌ندراوێكى بەڕێوەبەرایەتیی پاسپۆرتی سلێمانى هاتووه‌ "هەر هاوڵاتییەک  سەرو 18 ساڵ  بێت بۆ مامەڵەی پاسپۆرت کاتێک سەردان دەکات، تەنها کارتی نیشتمانیی  و سەرەی پاسپۆرتەکەی "حجزی ئەلەکترۆنی" و کارتی بانکی  پێویستە ئەگەر  یەکەمجاری بوو پاسپۆرت دەربکات".

باس له‌وه‌شكراوه‌ "ئەگەر تازەکردنەوە بوو مامەڵەکەی پێویستی بە پاسپۆرتە کۆنەکەشە لەگەڵ ئەو پێداویستییانەی لەسەرەوە ئاماژەی پێدراوە".

هه‌روه‌ها "ئەگەر هاوڵاتییەکە خوار 18 ساڵ بوو، پێویستە کارتی نیشتیمانی خۆی و باوکیشی کە "وەلی ئەمر"یەتی، لەگەڵ خۆی بهێنێت، هەروه‌ها له‌گه‌ڵ سەرەی پاسپۆرت  "حجزی ئەلەکترۆنی ".

ع