مه‌ودا میدیا- 

فه‌رمانده‌ی گشتی هێزه‌كانی سوریای دیموكرات (هه‌سه‌ده‌) باسى ناوه‌ڕۆكى كۆبوونه‌وه‌كه‌ى له‌گه‌ڵ فەرماندەی فەرماندەیی ناوەندی ئەمه‌ریکا ده‌كات و رایده‌گه‌یه‌نێت "كۆبوونه‌وه‌كه‌یان گرنگ له‌ سه‌ر هەڵسەنگاندنی دۆخی ئێستای سووریا و ئۆپەراسیۆنە هاوبەشەکانی دژی داعش به‌ڕێوه‌چوو".
 
مه‌زڵوم عه‌بدى له‌ هه‌ژماری تایبه‌تی خۆی له‌ تۆڕی كوڵایه‌تی (X)ئاماژه‌ى به‌وه‌كردووه‌ "له‌گه‌ڵ هه‌ریه‌كه‌ له‌  ژەنەڕاڵ مایکل کۆرێلا، فەرماندەی فەرماندەیی ناوەندی ئەمه‌ریکا  (سینکتۆم) و ژەنەڕاڵ لاهی کیڤن، فەرماندەی هێزی ئەرکی هاوبەشی ئۆپەراسیۆنە تایبەتەکان كۆبووه‌ته‌وه‌".

راشیگه‌یاندووه‌ "کۆبوونەوەکە بۆ هەڵسەنگاندنی دۆخی ئێستای سووریا و ئۆپەراسیۆنە هاوبەشەکانی دژی داعش گرنگ بوو".

روونیشیكردووه‌ته‌وه‌ "جەختمان لە گرنگی هەوڵە نێودەوڵەتییەکان کرده‌وه‌ بۆ کۆنتڕۆڵکردنی زیندانەکان و گه‌ڕاندنه‌وه‌ی خێزانه‌كانی كامپی هۆڵ بۆ ناو كۆمه‌ڵگه‌، هه‌روه‌ها باسمان لە  بەهێزکردنی ئەو هاوبەشییە و گرنگی ڕۆڵی ئەمه‌ریکا لە دامەزراندنی ئاگربەستی هەمیشەیی کردەوە".

كۆبانێ باسی له‌وه‌شكردووه‌ ""جەختیان لە بەهێزکردنی ئەو هاوبەشییە و گرنگی ڕۆڵی ئەمه‌ریکا لە دامەزراندنی ئاگربەستی هەمیشەیی لە باکووری رۆژهەڵاتی سووریا و دەستەبەرکردنی ئاسایش و سەقامگیری لە سەرتاسەری وڵاتدا کردەوە".

پ ح ع