مەودا میدیا-

ئەمڕۆ پێنجشەممە 2025/1/23، ئیدارەی خۆبەڕێوەبردنی باکوور و رۆژهەڵاتی سوریا لە بڕیارێکدا رێگە بە کۆچبەرە سورییەکانی ناو کامپی هۆل دەدات بە ئارەزووی خۆیان بگەڕێنەوە شوێنی خۆیان.

ئیدارەی خۆسەر رایگەیاند "داوا لە نەتەوە یەکگرتووەکان و کۆمەڵگەی نێودەوڵەتی دەکات، ئاوارەکانی عەفرین، گرێ سپی و سەرێکانی بە سەلامەتی بگەڕێنەوە بۆ ناوچەکانی خۆیان".

ئاماژەی بۆ ئەوەشکرد " پەنابەرانی ناو کەمپەکە بارگرانییەکی قورسە لەسەر ئیدارەی خۆسەری باکوور و رۆژهەڵاتی سوریا".

ئەوەشی خستەڕوو "رێگە بۆ هاوڵاتییانی سوری لە کامپی هۆل دەکەنەوە کە بگەڕێنەوە سەر ماڵ و حاڵی خۆیان".

وتیشی "دوای ڕووخانی رژێم ئیتر هۆکاری ترس و مانەوە لە کامپەکەدا نەماوە و  هاوکاریی ئەوانە دەکەن کە دەیانەوێ بگەڕێنەوە سەر زێدی خۆیان".

ب ح