کوردستانی
مەزڵوم عەبدی هۆشداریی دەدات
مەودا میدیا - سلێمانی |
مەودا میدیا-
فەرماندەی گشتیی هێزەکانی سوریای دیموکرات دووپاتیدەکاتەوە دابینکردنی ژیان و گوزەرانی ئاوارەکانی عەفرین، گرێ سپی و سەرێکانی بە ئەرکی خۆیان دەزانن و بەڵێنی تۆلەکردنەوەی خوێنی شەڕڤانەکانیشی دەدات.
مەزڵوم عەبدی، فەرماندەی گشتیی هێزەکانی سوریای دیموکرات رایگەیاند "خەڵکی عەفرین ، گرێ سپی و سەرێکانی رووبەڕووی کوشتن و ئاوارەبوون بوونەوە".
ئاماژەی بۆ ئەوەشکرد "لێرسینەوە لە تاوانباران دەکەن و دابینکردنی ژیان و گوزەرانی ئاوارەکانی عەفرین ، گرێ سپی و سەرێکانی بە بەرپرسیارێتیی خۆیان دەزانن".
ئەوەشی خستەڕوو "چەند شەڕڤانێکی هەسەدە لەلایەن بەکرێگیراوەکانی تورکیاوە دەستگیرکراون، هاوشێوەی داعش، چەکدارەکانی سەربە تورکیا شەڕڤانەکانیان تیرۆرکردووەو بەڵگەی ڤیدیۆی ئەو تاوانەیان دەستکەوتووە و تۆڵەی شەڕڤانە شەهیدەکانیان دەکەنەوە".
مەزڵوم عەبدی وتیشی "لەرێی تەحریر شامەوە هەوڵی ئازادکردنی ئەو شەڕڤانانە دەدەن کە هێشتا لە ژیاندا ماون، بەڵام تاوەکو ئێستا بەکرێگیراوەکانی تورکیا وەڵامی داواکەیانیان نەداوەتەوە".
ب ح
بیروڕا
