مەودا میدیا-

ئەمەریکا، سەرجەم هاوکارییەکانی بۆ وڵاتانی دەرەوەی راگرت، وەزیری دەرەوەش بڵاویکردەوە بڕیارەکەش بۆ رێکخستنەوە و پێداچونەوەیە بە خەرجییەکانی ئەمەریکا.

مارکۆ روبیۆ، وەزیری دەرەوەی ئەمەریکا رایگەیاند "ئیدارەی نوێی واشنتۆن بڕیاریداوە بە راگرتنی سەرجەم هاوکارییە دەرەکییەکانی وڵاتەکەی، جگە لە میسر و ئیسرائیل".

ئاماژەی بۆ ئەوەشکرد "بڕیارەکە بۆ دووبارە رێکخستنەوەی خەرجییەکانی ئەمەریکایە، کە ترەمپ پێداچونەوە بە خرجییەکاندا بکات و دووبارە بە شێوەیەکی گونجاو لەگەڵ سیاسەتی ئیدارەی نوێی واشنتۆن، یەکبگرێتەوە".

ئەوەشی خستەڕوو "هاوکاریی بەپەلە و لەناکاو بەردەوامدەبێت و سیاساتی نوێی ئیدارەی ترەمپ بڕیار دەدات بە چ شێوەیەک هاوکاریی پێشکەشی وڵاتانی هاوپەیمانی ئەمەریکا دەکرێت".

بەپێی زانیارییەکان، بڕیارەکەی ئیدارەی دۆناڵد ترەمپ ، بۆ راگرتنی هاوکارییە دەرەکییەکان هەرێمی کوردستان، عیراق و ئۆکرانیا دەگرێتەوە.