مەودا میدیا-

بڕیاره‌ شەممە 2025/2/8، ئه‌مڕۆ مه‌كته‌بی سیاسی یه‌كێتیی نشتیمانیی كوردستان به‌سه‌رپه‌رشتی بافڵ تاڵه‌بانی لە سلێمانی كۆببێته‌وه‌ و چەند پرسێک تاوتوی بکات.

سه‌عدی ئه‌حمه‌د پیره‌، وته‌بێژی یه‌كێتی رایگەیاند "كۆبوونه‌وه‌كه‌ تایبه‌ته‌ به‌ چه‌ند ته‌وه‌رێكی گرنگ کە په‌یوه‌ستن بارودۆخی به‌ هه‌رێمی كوردستان و عیراق".

بەپێی زانیارییەکان، مەکتەبی سیاسی یەکێتی گفتوگۆ دەکات لەبارەی ئەنجامی دانوستانەکانی وه‌فدی یه‌كێتی لەگەڵ پارتی سەبارەت بە پێكهێنانی كابینه‌ی نوێی حكومه‌تی هه‌رێم.

تەوەرێکی تری کۆبوونەوەکەی مەکتەبی سیاسی یەکێتی بریتییە لە مانگرتنی مامۆستایان و فه‌رمانبه‌رانی سلێمانی و سەردانەکانی وەفدی هه‌رێم بۆ به‌غدا لەپێناو چاره‌سه‌ری كێشه‌ی مووچه‌ی فه‌رمانبه‌ران.

ب ح