مەودا میدیا-

بەڕێوەبەرایەتی گشتیی کەشناسی و بوومەلەرزەزانی هەرێم کەشى پێشبینیکراوى بۆ 48 کاتژمێرى داهاتوو بڵاوکردەوە.

کەشناسیی هەرێم رایگەیاند "ئەمڕۆ ئاسمان هەوری تەواو دەبێت لەگەڵ بارینی نمەباران لە ناوچە جیاجیاكان هەندێك كات بارانی مامناوەند دەبارێت بە تایبەت لە بەشی باشووری هەرێم و ئیدارەی گەرمیان و بەشێك لە پارێزگای سلێمانی، هەروەها لە ناوچە شاخاوییەكان بەفر دەبارێت و پێشبینی دەكرێت لە پارێزگای سلێمانی و هەندێك لە قەزا و ناحیەكانى رۆژهەڵاتی هەرێم بەفر ببارێت".

ئاماژەی بۆ ئەوەشکرد "سبەینێ بە گشتیی ئاسمان پەڵە هەور و نیمچە هەور دەبێت و پلەکانی گەرما  نزیک دەبێتەوە بەراورد بە تۆمارەکانی ئەمرۆ، ئاراستەی با رووەو باکووری رۆژهەڵات هەڵات دەبێت، هەروەها خێرایى با لەسەرخۆ بۆ مامناوەند (10– 20  ) کم دەبێت لە کاتژمێرێکدا،مەوداى بینینش لەنێوان ( 8 – 10 ) کم دەبێت".

کەشناسیی هەرێم پلەکانی گەرمای لەنێوان شاروشارۆچکەکاندا بەمشێوەیە خستووەتەڕوو:

هەولێر   : 11 پلەى سیلیزى
سلێمانی  :   7 پلەى سیلیزى
کەرکوک : 11 پلەى سیلیزى
دهۆک    : 10 پلەى سیلیزى
هەڵەبجە  : 8  پلەى سیلیزى
گەرمیان  : 13 پلەى سیلیزى
سۆران    : 8 پلەى سیلیزى
زاخۆ      :  10 پلەى سیلیزى
حاجی ئۆمەران : -1  پلەى سیلیزى

ب ح