مه‌ودا میدیا-

دانیشتنی دادگایی کردنی عەبدوڵڵا زەیدان، هاوسەرۆکی گەورەشارەوانی وان، لە پێنجەمین دادگاییكردنی سزا قورسەکانی ئامەد دەستیپێکرد کە بە تۆمەتی "هاوکاریکردنی بە مەبەستی رێکخراوی تیرۆریستی" و "بانگەشەکردن بۆ تیرۆر لە خۆپیشاندانەکان دا" درابووە دادگا.

محەممەد ئەمین ئەکتاری، پارێزەری عەبدوڵڵا زەیدان راگەیاند "پێنجەمین دادگایی سزا قورسەکانی ئامەد، بە تۆمەتی یارمەتیدانی رێکخراو، سزای سێ ساڵ و 9 مانگ زیندانیکردنی بەسەر عەبدوڵڵا زەیدان، هاوسەرۆکی گەورەشارەوانی وان دا سەپاند".

باسى له‌وه‌شكرد "لەبەرئەوەی عەبدوڵڵا زەیدان لە چوارچێوەی هەمان بڕیاردا کە لەلایەن دادگەی باڵاوە هەڵوەشێنرابووەوە 5 ساڵ و دوو مانگ لە زینداندا مابووەوە، جارێکی دیکە ناچێتەوە زیندان".

وتیشى "کردەوەیەکی یاسایی نییە و بەپێی یاسا ناتوانن قەییوم بۆ گەورەشارەوانی وان دابنێن، بەڵام لەبەرئەوەی بڕیارێکی سیاسییە، من ناتوانم هیچ شتێک لەو بارەیەوە بڵێم".

ع