مەودا میدیا

ناوه‌ندی راگه‌یاندنی هێزه‌كانی سوریای دیموكرات (هه‌سه‌ده‌) بڵاویکردەوە تورکیا و گرووپە چه‌كداره‌كانی لایەنگری پەلامارەکانیان بۆ سەر بەنداوی تیشرین و پردی قەرەکۆزق فراوانکردووە.

هەسەدە رایگەیاند "دوێنێ تورکیا لەڕێی فڕۆکەی بێفڕۆکەوان و تۆپخانەکانییەوە بەنداوی تشرین، پڕۆژەی ئاو و چەندین کارگەی لە هەردوو گوندی غەسەق و ئەلتینە بۆردومانکردووە".

ئاماژەی بۆ ئەوەشکرد "چەکدارانی لایەنگری تورکیا چەندینجار پەلاماری بەنداوی تشرین و پردی قەرەقۆزاقیان داوەو سەرجەم پەلامارەکانیان لەلایەن شەڕڤانانەوە تێکشێندراون".

ئەوەشی خستووەتەڕوو "سوپای تورکیا لەرێی تۆپخانە قورسەکان، تانک، موشەک هەڵگر و گوللە هاوەنەکان، گوندەکانی ئەلتینە، جەعدە، بیر حەسو، دیکان، و ئەلسەناک-یان بەچڕی بۆردومانکردووە".

ب ح