مەودا میدیا-
رۆژی هەینی سێ فڕۆكەی سەربازیی رووسیا ئاسمانی ئیستۆنیای ئەندامی ناتۆیان بۆ ماوەی 12 خولەك بەزاند و وڵاتەكەش هەڕەشەی تۆڵەكردنەوە دەكات.

مارگوس ساهیكنا، وەزیری دەرەوەی ئیستۆنیا رایگەیاند"رووسیا لەمساڵدا چوار جار ئاسمانی ئیستۆنیای پێشێلكردووە، كە ئەوەش قبوڵكراو نییە، بەڵام پێشێلكارییەكەی ئەمڕۆ كە سێ فڕۆكەی جەنگی چوونەتە ناو ئاسمانی ئێمەوە، سنوربەزاندنێكی تەواوە". 

ئەوەش لە كاتێكدایە كە نزیكەی هەفتەیەك پێشتر زیاتر لە ٢٠ فڕۆكەی بێفڕۆكەوانی رووسی چوونە ناو ئاسمانی پۆڵەنداوەو ئەوەش وایكرد فڕۆكەكانی ناتۆ هەندێكیان بخەنە خوارەوە. 

دوای ئەو رووداوانەش بەرپرسانی ناتۆ ئاماژەیان بۆ ئەوەكردووە كە رووسیا ئیرادە و هێزی ناتۆ تاقیدەكاتەوە و بەدوای شەڕدا دەگەڕێت، بۆیە پێویستە وەڵامی شایستە بدرێتەوە. 
ئ پ