مه‌ودا میدیا-

دواى فشارى ده‌رچوانى دانه‌مه‌زراو له‌ شارى هه‌ڵه‌بجه‌، پارێزگارى هه‌ڵه‌بجه‌ بڕیاریدا به‌ راگرتنى ده‌ستبه‌كاربوونى ئه‌و 52 كه‌سه‌ى كه‌ سه‌رۆكى دیوانى ئه‌نجومه‌نى وه‌زیران به‌ یاسایی بڕیارى له‌باره‌وه‌ دابوون.

نوخشە ناسیح، پارێزگاری هەڵەبجە بڕیاریدا دەستبەكاربوونی (52) فەرمانبەر تازەدامەزراو بۆ دیوانی پارێزگای هەڵەبجە رابگرێت، ئەمە بەهۆی ناڕەزایەتی و گردبوونەوەی دەرچووانی دانەمەزراوی پارێزگاكە.

محه‌مه‌د یاسین، نوێنه‌رى ده‌رچووانى دانه‌مه‌زراوی هەڵەبجە دوای كۆبوونەوەی لەگەڵ نوخشە ناسیحی پاریزگار رایگه‌یاند "پارێزگار دەستبەكاربوونی ئەو 52 فەرمانبەرەی راگرتووە".

پارێزگاری هەڵەبجە داوای لە دەرچووانی دانەمەزراو كردووە نوسراوێك بنوسن بۆ ئەوەی لەرێگەی پاریزگاری هەڵەبجەوە بەرزبكرێتەوە بۆ (ئومێد سەباح)ی سه‌رۆكى دیوانى ئەنجومەنی وەزیران، تێیدا داوای لێبكرێت دەستبەكاربوونی ئەو 52 فەرمانبەرە رابگرێن".

ع