مەودا میدیا-

سوڵتان موراد کە گرووپێکی تووندڕەوەو لەلایەن تورکیاوە مووچە و چەک و پێداویستیان بۆ دابین دەکرێت، بەشداربوون لە داگیرکردنی ناوچەکانی عەفرین و سەرێکانی و گرێ سپی لەئێستادا چەکدارەکانی لە ریزەکانی گرووپەکەیان هەڵدێن.

روانگەی سوریا بۆ مافەکانی مرۆڤ رایگەیاند "چەکدارانی گرووپی تووندڕەوی سوڵتان مورادی سەربە تورکیا دوای فرۆشتنی ئەو موڵک و ماڵانەی دوای داگیرکردنی شارۆچکەی سەرێکانی دەستیان بەسەردا گرتووە، بەنهێنی ریزەکانی گرووپەکە جێدەهێڵن و هەڵدێن".

ئاماژەی بۆ ئەوەشکرد "ماوەی دوو مانگە مووچەکانیان لەلایەن تورکیاوە پێنادریت لەگەڵ ئەوەشدا ئەو چەکدارانە رووبەڕووی دۆخێکی نادڵنیایی و چارەنووسێکی نادیار بوونەتەوە".

ئەوەشی خستەڕوو "ئەو چەکدارانە بۆ ئەوەی لەلایەن سوپای تورکیاوە دەستگیرنەکرێن،وەک هاوڵاتیی مەدەنی خۆیان رادەستی هێزەکانی سوریای دیموکرات دەکەن و دواتر بەرەو دەرەوەی سوریا یان دیمەشەق و ناوچەکانی تری سوریا هەڵدێن".

ب ح