مەودا میدیا-

ئەمڕۆ شەممە 2025/4/19، خولی دووەمی دانووستانە ناڕاستەوخۆکانی نێوان ئێران و ئەمەریکا لە شاری رۆمای پایتەختی ئیتاڵیا بەڕێوەچوو، بڕیارە جارێکی تر لەم هەفتیەدا کۆببنەوە.

عەباس عێراقچی، وەزیری دەرەوەی ئێران سەبارەت بە کۆبوونەوەکەی ئەمڕۆی رۆما رایگەیاند "ناتوانن بڵێن زۆر گەشبینن و ناشتوانن بڵێن رەشبینن، چونکە دانووستانەکان لە قۆناغی سەرەتادان".

ئاماژەی بۆ ئەوەشکرد "دانووستانەکان بەرەوپێش دەڕۆن و ئەمجارە گەیشتوونەتە ئەنجامێکی باشتر، دوای ئەو کۆبوونەوەیە بۆیان رووندەبێتەوە کە تاوەکو چەند لە رێککەوتنەوە نزیکن".

ئەوەشی خستەڕوو " رۆژی چوارشەممە گفتوگۆی تەکنیکی لەگەڵ وەفدی ئەمەریکی لە عومان بەڕێوەدەچێت و شەممەی داهاتووش وەفدی هەردوو وڵات لە عومان کۆدەبنەوە بۆ چاوخشاندنەوە بە ئەنجامی کۆبوونەوە و کاری لیژنە تەکنیکییەکان".

ب ح