مەودا میدیا-

وه‌زاره‌تی شاره‌وانی و گەشتوگوزار بڵاویکردەوە کە 19 هەزار پێشمەرگه رەزامەندی تەرخانکردنی زەوییان بۆ گەڕاوەتەوە، 40 هەزار پێشمەرگە ماون و ئەوانیش زەوییان بۆ تەرخان دەکرێت.

سەربەست مەولود، سەرپەرشتیاری تیمی وردبینی و رفۆڕمی دابەشکردنی زەوی له‌ وه‌زاره‌تی شاره‌وانی و گەشتوگوزار رایگەیاند "رەزامەندی ئەنجومەنی وەزیران تایبەت بە تەرخانكردنی زەوی بۆ 9 هەزار و 500 پێشمەرگە گەڕاوەتەوە".

ئاماژەی بۆ ئەوەشکرد "لیستێکی تری کە ناوی زیاتر لە 10 هەزار پێشمەرگە بۆ ئەنجومەنی وەزیران نێردراوەو تاوەکوو ئێستاش زیاتر له 19 هەزار پێشمەرگه رەزامەندی تەرخانکردنی زەوییان بۆ گەڕاوەتەوە".

ئەوەشی خستەڕوو "لیستی ئەو 19 هەزار پێشمەرگەی رەزامەندییان بۆ هاتووەتەوە، ناوی یەکەکانی 70 و 80ی پێشمەرگەی تێدا نەبووە، ئێستا فۆڕمەکانی ئەوان وردبینی دەکرێن و لیستی ناوی ئەوانیش دەدرێته ئەنجومەنی وەزیران".

ب ح