مەودا میدیا-

ئەمڕۆ یەكشەممە، ژمارەیەك مامۆستای ئایینی سەردانی سەرپەرشتیاری ئیدارەی گەرمیانیان كردوە لە بارەی كردنەوەی دەرگای مزگەوتەكان و سەرپەرشتیاری ئیدارەش پیشتوانی كردوون.

ئەو مامۆستا ئاینیانە لە دوای ئەوەی سەردانی سەڵاح كوێخا، سەرپەرشتیاری ئیدارەی گەرمیان كردووە و داوایان كردووە دەرگای مزگەوتەكان بكرێتەوەو ئەوەشیان بە ناوی موسڵمانانی ناوچەكە گەیاندوەتەوە سەرپەرشتیاری ئیدارەكە.

لای خۆیەوە سەڵاح كوێخا، دوای بەرزنرخاندنی رۆڵی مامۆستایانی لە ناوچەكە لەو نەخۆشیە و رووبەڕووبوونەوەی كۆرۆنا، پشتگیری و پشتیوانی داواكەی مامۆستایانی ئایینی كردووە و پێی وتون داواكارییەكەیان رەوانەی لیژنەی باڵای بەرنگاربوونەوەی كۆرۆنا لە ئیدارەی گەرمیان دەكەن بۆ ئەوەی بڕیار بدەن.

ئەو هەوڵەی مامۆستایان لە كاتێكدایە تەنیا چەند رۆژێكی كەمی ماوە بۆ مانگی رەمەزان و دەیانەوێت دەرگای مزگەوتەكان بكرێنەوە.