مه‌ودا میدیا-

بڕیاره‌ رۆژى یه‌كشه‌ممه‌، نه‌وت له‌ رانیه‌ دابه‌شبكرێت و قائیمقامى شاره‌كه‌ش داوایه‌ك له‌ هاوڵاتییانى سنوره‌كه‌ ده‌كات.

قائیمقامیەتی قەزای رانیە بڵاویكردەوە "رۆژی یەكشەممە 26-10-2025، نەوتی سپی بەسەر دانیشتووانی گەڕەكەكانی (ڕۆژ ستی، بیتوێن ستی، رانیەی نوێ، دابان، تیتۆكە، ماردین، كۆدۆ، ئازادی، داستان، كارۆخ و شارەوانی) دابەشدەكرێت".

هه‌روه‌ها "داواشی لە هاوڵاتییان كردووە سەردانی بریكارەكانی خۆیان بكەن بەمەبەستی دڵنیابوونەوە لە كارتی وەرگرتنی نەوت، چونكە هەر هاوڵاتییەك كارتی نەوتی بەسەرچووبێت، ئامێرەكە ناتوانێت قبوڵی بكات و پێویستە سەردانی دارایی رانییە بكات بۆ ئەوەی بەزووترین كات كارتەكانیان بۆ كارا بكرێت".

شایه‌نى باسه‌ ئه‌و نه‌وته‌ى حكومه‌ت دابه‌شیده‌كات به‌رمیلى به‌ 104 هه‌زار دیناره‌ و هاوڵاتییانیش نیگه‌رانن له‌ خراپى كوالێتى نه‌وته‌كه‌.

ع