مه‌ودا میدیا-

نوسینگەی ئەنجومەنی باڵای ئاسایشی نەتەوەیی ئێران بڵاویكرده‌وه‌، بانکی ئامانجەکانی ئیسرائیل لەسەر مێزی هێزە چەکدارەکانە و لە ئەگەری هێرشێکدا، دامەزراوە ئەتۆمییە شاراوەکانی ئه‌و وڵاته‌ دەکه‌ینە ئامانج.

ئه‌مشه‌و دووشه‌ممه‌، نوسینگەی ئەنجوومەنی باڵای ئاسایشی نەتەوەیی ئێران له‌ به‌یاننامه‌یه‌كدا بڵاویكرده‌ووه‌ "ئەم دەستکەوتە گەورە هەواڵگرییە، بەشێکی گرنگە لە داڕشتنی زیرەک و کردەوەی بێدەنگ و بێ هەراوهوریای سیستەمی پیرۆزی ئیسلامیی دژ بە فیتنەی دوژمنان".

ئه‌وه‌ش خراوه‌ته‌ڕوو "بەشێکی ترى گرنگە خەباتی شەوانەڕۆژی هێزى چەکدارییە بۆ دروستکردنی توانای ئۆپەراسیۆنی هاوتا لەگەڵ لاوازییەکان و خاڵە بەهێزەکانی رژێمی داگیرکەری ئیسرالیل و لایەنگرانی".

باس له‌وه‌شكراوه‌ "ئەمڕۆ دەستڕاگەیشتن بەم زانیارییانە و تەواوبوونی بازنەی ئۆپەراسیۆنی زانیاریی، وایکردووە کە جەنگاوەرانی ئیسلام بتوانن دەستبەجێ تۆڵەی هەر دەستدرێژییەکی ئەگەری ڕژێمی ئیسرائیل بۆ سەر دامەزراوە ئەتۆمییەکانی وڵات بكەنەوە، بە هێرشکردنە سەر دامەزراوە ئەتۆمییە شاراوەکانی و هەر خراپەکارییەک لە دژی ژێرخانی ئابووری و سەربازیی، لەگەڵ جۆری دەستدرێژییەکەدا وڵام بدنەوە".

ع