مەودا میدیا-

سەرۆکی فەڕەنسا لە لێدوانێکی رۆژنامەوانیدا داوای راگرتنی جەنگی نێوان ئێران - ئیسرایلی کرد.

ئیمانوئێل ماکرۆن، سەرۆکی فەڕەنسا رایگەیاند "ئیسرائیل ئامانجێک لە ئێران بۆردومان دەکات کە پەیوەندی بە بەرنامەی ئەتۆمی و مووشەکی بالیستی ئەو وڵاتەوە نییە".

ئاماژەی بۆ ئەوەشکرد "پێویستە وڵاتانی جیهان بەپەلە کار بۆ ئەوە بکەن کۆتایی بە جەنگی نێوان ئێران - ئیسرائیل بهێنن".

ئەوەشی خستەڕوو "ئۆپرسیۆنە سەربازییەکانی نێوان ئێران و ئیسرائیل هەڕەشەی راستەقینەن بۆ سەر ئاسایشی ناوچەکە و جیهان".

ب ح